Solterra, fjórði SUV-bíllinn sem við bætum við Evrópulínuna okkar, losar engan útblástur. Nafn hans er samsetning tveggja orða úr latínu, „sol“ (sem merkir „sól“) og „terra“ (sem merkir „jörð“) – til að undirstrika það að Subaru ætlar sér að nýta nýjar og óhefðbundnar tæknilausnir til að takast á við nýjar áskoranir.

Solterra byggir á þróttmikilli, traustri og áræðinni hönnunarstefnu Subaru, þar sem notagildi og hönnun renna saman, og notagildið er ávallt í forgrunni. Framhlutinn er með einkennandi sexhyrnt grill Subaru, C-laga framljós (sem nú eru í fyrsta skipti búin margföldum LED-aðalljósum frá Subaru) og loftop báðum megin við framstuðarann, sem ekki eru aðeins upp á punt, heldur bæta afköst bílsins í akstri. Þessi straumlínulöguðu hönnunarþættir hámarka loftflæði og draga úr truflunum og hávaða.